Quand le solleil est est (sic) de la bande du su qui est depuis le/24/e jour de septembre jusques au 22/e jour de mars sy vous prenez l’eslevation au
solleil et qu’il vous face ombre au nort, de la haulteur que vous prendrez, regardez combien il senfault de /90/ et adjoustez vostre declinaison
que le solleil tient en ce jour avec ce qui s’en faudra desdictz /90/et letout mis ensemble d’autant serez loing de la ligne equinoctialle de la bande du su
ET sy au mesme temps que le solleil est devers le su de la ligne equinoctialle et vous prenez vostre eslevation au solleil et vostre ombre soit
au nord vous adjousterez vostre declinaison que le solleil tient en ce jo[ur] avec l’eslevation que vous avois trouve au solleil et letout mis ensemble
voyez combien sont de degrez. Et sy ne font jusques à /90/ ce qu’il s’en fauldra autant serez loing de la ligne equinoctialle de la bande du nort.
ET sy la haulteur et la declinaison passent /90/se qui passera autant serez loing de ladict ligne de la bande devers le su. Et sy la haulteur
et la declinaison font justement /90/ vous estes droictement en la ligne equinoctialle
ET* sy en aulcun temps vous prenez vostre haulteur en moins de /90/ degrez et vous ne trouvez celluy jour nulle declinaison au Regime, c’est à dire que le solleil
est en la ligne equinoctialle, autant que vous prendrez moins de /90/ autant serez loing de la ligne de la part où le solleil vous fera ombre soit de la part du
nord ou de la part du su
Quand on veult prendre la haulteur ou eslongnement que l’on est loing de l’equinoctial en chacun endroict il convient regarder en quel an mois et jour
c’est que l’on est s’il est premier second ou troisiesme an depuis le bisexte affin de regarder aux tables ou regime cy devant combien de degrez & minutes
le solleil tient de declinaison en ce jour loing de l’equinoctial
Nottez que /60/ minuttes font un degré /30/ minuttes ou font demy degré et /20/minuttes ung tiers de degré /15/ minuttes font ung cart de degré /10/ minuttes
fons ung six iesme de degré
Il est necessaire comme devant est dict de scavoir s’il est premier second ou troisiesme an ou s’il est bissexte pource que les jours d’un an avec les jours
d’un aultre n’ont les degrez & minuttes esgaux. La raison est pource que l’an sollaire a /365/ jours /6/ heures, lesquelles 6 heures en /4/ ans font
ung jour naturel et une telle année est appellee l’an de bisexte. Dont pour scavoir si l’an auquel vous estes est premier second ou troisiesme
depuis le bisexte vous le pourrez voir par ceste petitte table ensuyvante en comptant l’an de nostre seigneur /1584/ qui est an de bisexte au chef
duquel est la petitte croix et ainsy consequemment chacun an ung parquet tant quon aye achevé les maisons jusquez à la derniere pour recommencer à la premiere
| *1584* | +
B | I | II | III | B | I | .II. | .III. | B | .I. | .II. | .III. | B | .I. | .II. | .III. | B | .I. | .II. | .III. | *1612* |
|
Pour scavoir treuver l’an de bisexte sans voir le lyvre prenez l’an de la nativitté de nostre seigneur, laissez les mil cinq centz à part maiz le surplus
partissez le par quatre et quand il ne restera rien de la partission il sera an de bisexte maiz ce qui restera sera la première seconde ou troisiesme
ennée selon le nombre qu’il en restera
PAR* l’astralabe ordinaire cy devant figuree l’on puist scavoir la haulteur d’une tour d’un arbre ou de quelque aultre chose que ce soit.
Dont pour ce voir il convyent poser la lidade de ladicte astralabe dessus le poinct de /45/ degrez ou moitye du cartier puis aprocher ou
reculler jusques à ce que lon voye (le coupeau ou bout de la chose que l’on veult mesurer ) par les deux pinulles de ladicte lidade et le voyant
l’ong puist dire que la chose a autant de haulteur comme il y a depuis soy jusques au pied de la chose en y adioustant la haulteur de son
oeuil pour demonstrance s’ensuit la figure
Fabricque de l’arbaleste
Marine, aultrement dicte Baston de Jacop
Sy l’on se treuve en mer et que l’on eust perdu tous ses instrumentz de mer
l’on pourroit faire une arbaleste sans en voir une aultre par la manière
qui ensuict. Par laquelle arbaleste l’on pourroit trouver la haulteur où l’on
serait et par icelle revenir au lieu où l’on desireroit. Dont pour la fabricque de la graduation dicelle arbaleste il
convyent faire ung romd tant grand ou petit comme vous desirerez puis le partir en quatre parties esgalles dont tirerez
le trect dyametral assez long puis prendrez ung cartier dud[ict] rond et le partirez encore par la moitye pour en faire
ung demy cartier qui sera ung huict ieme dudict romd, et jusques au point dudict demy cartier pointerez justement/90/ degrez.
Allors vous tracerez une ligne où ferez la graduation de la flèche de vostre arbaleste tant long ou proche du centre sellon
comme il vous plaira de faire les degrez de vostre arbaleste au large grand ou petit selon la longueur que desirerez. En
–
+