Résumé fol. 23vCALCUL DE DISTANCES
+ Comme le représente le bandeau, la position d’un observateur se détermine en visant deux points inaccessibles repérables sur la carte. La boussole sert aux visées, la carte donne la distance entre les deux points repérés et leur direction mutuelle. Exemple détaillé.
+ Pour étudier les positions relatives de plusieurs points inaccessibles, le tracé d'une figure indique, depuis l’observateur, la distance et le rumb pour chacun des points. Exemple présenté par une illustration.
+ Pour mesurer une distance inaccessible, en utilisant deux bâtons, l’observateur forme deux triangles semblables. La proposition de Thalès lui permet de trouver la largeur de la rivière. L’explication est donnée sur un exemple détaillé et explicité par un bandeau.
Pour scavoir combien de lieues
L’on est eslongé de quelque terre que ce soit selon le rumd de vent où elle demeure
Premyerement il convyent avoir congnoissance des deux terres ou endroictz que l’on veult scavoir et regarder par la roze d’un compas
marin en quel rumd de vent chacune desd[ictes] terre demeurent de soy. Puis il convyent avoir une demonstrance desdictz deux endroictz
comme par les cartes marines, asscavoir que lesdictz deux endroictz nottez soient bien justement establis en leur longitude de chemin et aux
rumdz des ventz comme ilz gissent l’un de l’aultre. Et allors par ladicte demonstrance ou carte marine l’on aura congnoissance de combien de lieues
l’on puist estre eslongé de chacun desdictz deux endroictz sellon le rumd de vent et distance qu’il y aura de chacun endroict en l’aultre, et aussy sellon le rumd
de vent auquel lesdictz deux endroictz demeureront de soy. Comme sy je estois sur mer et que j’eusse cognoissance par mon compas marin que quelque
terre demonstree en la figure ensuyvante par /A/ me demeurast en l’est norest et que quelque aultre terre demonstree par /B/ me demeurast en l’est
et que je cogneusse comme par ma carte marine que lesdictes terres /A /B / gissent suest et noroest l’un de l’aultre et y eust de l’un à l’aultre
/ 6 / lieux, alors je cognoistray par mad[icte] carte marine et figure desdictz rumdz des ventz que je seroys à / 11 / lieues de la terre / A / et à / 14 /
lieues de la terre / B. D’autant que en tel eslongement de lieues lesdictz deux endroictz demeurent en telz rumdz des vent comme cy devant
est dict, ce qui se puist cognoistre aisement par la preuve desd[ictz] rumdz des ventz figurez par ceste demonstrance contemplatifve
Pour scavoir combien
plusieurs lieux assi[g]nez sont loing l’un de l’aultre
Il convyent premyerement regarder et scavoir combien chacun lieu est loing de soy en ligne droicte et faire autant de poinctz sur
une platte forme comme il y aura de lieux assignez et que tous iceulx poinctz soyent establis comme sont lesdictz lieux asy[gn]ez.
Cestasscavoir chacun en son rumd de vent comme sy au premyer lieu assigné / A / il y eust depuis soy jusques audict lieu / 20 /
brasses. Il convyendroict notter dessus la figure ou platte forme / 20 / poinctz du rumd de vent et ligne droicte où ledict lieu
assyné / A / demeure du centre qui represente la personne et aussy depuis soy jusques à / B / sil y auroit / 15 / brasses il convyendroict poincter depuis le centre
qui represente l’oeuil de la personne jusques à / B / 15 / poinctz au mesme rumd de vent comme il demeure, et faire ainsy des aultres lieux assynez. Puis il
convyent tirer des lignes droictes d’un lieu en l’autre et mesurer avec le compas quantz poinctz c’est qu’il y aura d’un lieu en l’autre et autant de
poinctz comme l’on treuvera seront autant de brasses sy l’on a faictz poinctz pour brasses. Et est le moyen comme l’on doibt faire de quelque
aultre mesure que ce soit de piedz ou de toises ou de perques ou de lieues. Dont pour plus amplement avoir dutout intelligence sensuict la figure
Pour treuver la largeur
d’une Riviere ou d’un Vyvier bien aisement
Prenez ung baston de la haulteur de vostre oeuil et le posez devant vous au bort de la Ryviere, lequel baston soit
A / etC / et la largeur de la riviere soit / A / et / E /, puis aprez prenez une verge bien droicte laquelle soit / B /
et / F / ainsy posez comme il apert par ceste figure cy aprez mise, puis aprez regardez de vostre oeuil qui est / C /
par-dessus la verge / B / F / tant que voyez l’aultre bort de la Ryviere et merchez l’endroict l’endroict (sic) de la verge
lequel vostre veue couppe comme sy cestoit sur le poinct / D / et pour plus aisement entendre la praticque posons que le baston
A C/ aye / 29 / poulces de haulteur et que la verge / B / F / soit couppe de veue d’oeuil sur le poinct / D / de / 15 / poulces. Il fault
multiplier / 29 / par / 15 / puis aprez prenez la ditance de vostre oeuil / C / jusques à la verge comme sil y avoit / 10 / poulces sera le
partiteur. Dont multipliez / 29 / par / 15 / Et aurez / 435 / qu’il fault partir par / 10 / poulces Et aurez / 43 / poulces et / ½ / Et autant
tient la largeur de la ryviere qui est une regle generalle dont sensuict la figure et demonstrance
–
+