Résumé fol. 6CALENDRIERS / ECLIPSES DE LUNE

+ La figure met en relation le calendrier grégorien et le calendrier zodiacal*. Elle fait correspondre le 20 mars au début du Bélier.
+ L'éclipse de Lune s’explique par l’alignement Soleil/Terre/Lune. Le cône d’ombre que fait la Terre prive la pleine Lune de la lumière du Soleil. L’éclipse peut être partielle.
+ La figure explicite les positions de la Terre, de la Lune et du Soleil lors d’une éclipse de Lune.
+ L’observation d’une éclipse de Lune permet de trouver la différence de longitude entre deux endroits. En connaissant les heures de l'éclipse de Lune aux deux endroits, si l'heure est la même, on est sur un même méridien, si elles sont différentes, l'écart donne la différence de longitude. Par exemple, deux heures d’écart dans les observations correspondent à 30° de différence de longitude.

FIGURE THÉORICQUE
Ou contemplatifve du solleil

Ceste cy desoubz est pour demonstrer en chacun jour de l’an en quel signe et degré est le solleil estant praticquee sur le compte
nouvellement faict de l’advancement des /10/ Jours. Et pour ce voir prenez au cercle des jours et des mois le jour duquel vous voullez scavoir
le signe et degré en quel est ledict solleil sur lequel estendez le fillet du centre dicelle figure et estant ainsi estendu sur le dernier cercle il
vous demonstrera le signe et degré lequel le solleil viendra pour Icelluy jour

DISCOURS DE L’OCASION
Pourquoy les esclipzes du solleil et de la lune se font et premierem[ent]
de lesclipze de la lune

L’on doibt considérer que la lune n’a aulcune clarté d’elle mesme que celle qui luy est baillee par le regard que luy faict le solleil.
Dont l’esclipze de la lune se faict quand elle est playne et qu’elle est en poinct contraire et oppositte dud[it] solleil et est esclipzee parce
que le solleil luyct sur la terre et ne luy puist donner lumiere à cause du globe de la terre qui est entre eux deux, lequel empesche
que ledict solleil ne puist regarder lad[ite] lune pour lui donner lumiere. Et fault entendre que tousjours la poincte ou le bout dicelle orbe de la terre est
tousjours oppositte dud[it] solleil et se estend l’hombre de la terre jusques à lad[ite] lune et touttes les foys que elle eschet en lad[ite] ombre de la terre
elle est d’aultant esclizee comme elle y entre dont advient aulcunes fois que la lune est esclipzee une fois d’une part aultre fois d’aultre. Et les
aultres fois elle est toutte esclipzee une fois moins aultre fois plus c’est sellon comme elle eschet en lad[ite] ombre de icelle terre d’une part ou d’aultre
toutte ou partie dicelle ce qui se puist entendre par ceste figure que vous voyez cy desoubtz.

L’on puist avoir congnoissance de la situation et difference longittudinalle d’aulcuns lieux les ungs des aultres par le moyen de l’esclize de la
lune sellon comme lad[ite] esclipze par[oit] plus tost aux ungz que aux aultres par la diversitte de la difference des meridiens. Car s’il est trouvé
que la supputation du temps soit telle en ung lieu comme en l’aultre, il est manifeste que lesd[its] lieux sont desoubz ung mesme meridien et
ont par ce moyen mesme longittude. Maiz sy lad[ite] supputa[tion] du temps dicelle esclipze lunaire est trouvée diverse il fault lors co[n]clure que
lesd[its] lieux sont collocquez desoubz divers meridiens et ont differente longittude. Et soubztrayant donques la moindre supputa[tion] du temps de la
plus grande ce qui restera le fault réduire en degrez et multiplier iceux degrez par les lieux que chacun degré de lo[n]gittude vauldra sellon la haulte[ur]
de longittude où l’on sera comme sy la différence estoit de /2/ heures en proviendroit /30/ degrez que seroient differentz lesd|its] lieux l’un de l’aultre en longitude