Résumé fol. 8 CARTES A RUMBS COURBES

+ Représentation des rumbs de vents en lignes circulaires qui approche mieux l’allure du globe que celle comportant des rumbs de vents en lignes droites. Cette représentation avec des rumbs de plus en plus courbés lorsqu’on s’approche des pôles fait disparaître la déviation que l’on observe en suivant des rumbs en lignes droites. Pour cela il faut déterminer le rumb de vent à midi et prendre le rumb qui le croise à angle droit, on conserve ainsi sa latitude.
+ Suivent un exemple et une figure de rumbs courbes qu’il est conseillé de compléter par une seconde figure. Le réseau de parallèles tracé tous les 30° sur chacun des hémisphères du méridien origine (fol. 26) est repris ici huit fois.

NOUVEAU STILE DE REIGLER
       Les rumdz des ventz pour scervir aux cartes marignes en lignes circullaires
      lesquelles sont mieux approchantes à leffect du globe du monde que de les reigler en lignes
      droictes car il ne sy treuve poinct de difference ou tumbe suyvant icelles traces circullaires

Ceste figure ensuyvante represente la moityé de lesphère comprimee dessus la platte forme de l’horison tellement que le poinct vertical
est joinct avec le centre dud[it] horison. Dont tous les rumdz et demys rumdz de vent qui sont par mesure dessus led[ict] horison sont
estendeuz en lignes circullaires lesquelles demonstrent la grandeur ou petitesse de chacun rung de vent sellon la parallelle
de chacune eslevation pollaire et combien chacun desdicts rumds de vent doibt estre plus courbé l’un que l’aultre sellon comme
il approche ou reculle de l’un des polles. Par ce moyen les terres estantz bien et justement demonstrez desoubz chacun leur
degré de longittude et de lattittude desoubz icelles traces l’on congnoistra justement la trace ou rumd de vent qu’il conviendra
tenir pour aller d’un lieu en aultre et ne se trouvera poinct de faulte ou dechet comme il se treuve aux cartes
marignes lesquelles sont reiglez en lignes droictes lesquelles ne demonstrent pas justement le rung de vent que les terres gissent
l’un de l’aultre à cause du differement des meridiens et pource que la grandeur des paralelles ny sont poinct observez. De quoy
nous apercevons ordinairement sur lesdictes cartes qui sont reiglez en lignes droictes que se estant eslongé seullement de /400/
lieues en la partie occidentalle de la ligne diamettralle desoubz l’eslevation pollaire de /50/degres de latitude que la ligne droite
differe de demy rumd de vent qu’elle ne demonstre justement la trace quil fault tenir pour entretenir sad[ite] eslevation pollaire
ou pour aller querir les terres circonvoisines. Et pour ce donner garde de icelles choses il convient scavoir en quelque endroict
que l’on soit en quel rumd de vent le midy demeure et prendre tousjours le rung de vent lequel droictement le croise pour
entretenir ladicte haulteur d’eslevation. Comme sy treuves le solleil en son midy estre au su soroest de toy il te convient tenir le ouest
noroest ou l’est suest pour entretenir son eslevation pource que sont les rumdz de vent lesquels croissent droict led[it] midy. Maiz pour
congnoistre plus amplement ses choses par l’effect du globe de la terre et l’eau qui sont en romd il convient necessairement aussy que
les rumdz des ventz soient circullaires en romd et courbees sellon chacune eslevation comme vous pourrez voir par ceste figure

Finablement qui vouldroict comprendre tout le globe terrestre entierement il faudroict faire deux figures telles que la precedente
de sorte que lhorison de l’un touchast lhorizon de l’aultre et poultrere les lignes et traictz des ventz que ilz se vinsent joindre
les ungz aux aultres.puis observer chacune terre du[dit] globe par mesure desoubz ses degrez de longitude et latitude selon l’art
et usaige hidrographicque